Íslenskar stelpur vilja stráka með falleg andlit frekar en massaða stráka. Þetta var niðurstaða óvísindalegrar könnunar sem Youtube-bloggarinn Adrian Gee gerði í Reykjavík á dögunum.
Adrian Gee er vinsæll „Youtube-ari“ en um 1,2 milljónir eru áskrifendur að stöðinni hans þar. Hann fjallar mikið um samskipti kynjanna í myndböndum sínum en utan þess þjálfar hann stráka í að reyna við stelpur.
Hann spurði íslenskar sem og útlenskar stelpur: Ef þær þyrftu að velja hvort þær myndu velja strák með fallegt andlit eða stóra vöðva?
Svörin létu ekki á sér standa því allar stelpurnar sem Gee ræddi við vildu frekar stráka með fallegt andlit. „Andlitið er það fyrsta sem þú sérð,“ segir ein stelpan.