Breska söngkonan Jessie J mun halda tónleika í Laugardalshöllinni þann 18.apríl á næsta ári. Vísir.is greinir frá þessu. Þetta er í annað sinn á skömmum tíma sem Jessie heldur tónleika hér á landi en hún steig á stokk í Laugardalshöllinni í september 2015 þar sem færri komust að en vildu.
Jessie J hefur heldur betur verið að gera það gott að undanförnu en frá því að hún skaust upp á stjörnuhimininn árið 2011 hefur hún sent frá sér marga smelli. Lög eins og Price Tag, Do it Like a Dude og Flashlight munu eflaust trylla gesti í Laugardalshöllinni þann 18.apríl.
Miðasala hefst þriðjudaginn 7. nóvember á tix.is.