Stofnaður hefur verið lokaður hópur fyrir konur sem starfa innan vísindasamfélagsins þar sem þær deila sögum af áreitni og ofbeldi. Þær bætast þá í hóp kvenna sem hafa stigið fram og safnað sögum af kynferðislegu áreiti og ofbeldi innan sinna stétta. Þær munu á næstu dögum senda frá sér nafnlaust skjal þar sem frásögnum af reynslu kvenna verður deilt opinberlega.
Silja Bára Ómarsdóttir, aðjunkt við stjórnmálafræðideild Háskóla Íslands, annar stofnenda hópsins segir í samtali við Vísi.is að um sé að ræða stóran og breiðan hóp kvenna. „Þarna er um að ræða beina kynferðislega áreitni reyndra fræði- og vísindamanna gegn konum,“ segir Silja.
Auður Önnu- Magnúsdóttir, ein þeirra sem að hópnum standa sagði í viðtali í Morgunútvarpi Rásar 2 í morgun að það hefði tekið á að lesa sumar þær sögur sem birst hafi í hópnum. Hún sagði að nú væri tími til kominn til að hætta meðvirkni. „Það er ekki okkar að þegja yfir þessu,“ segaði Auður.