Maðurinn sem játað hefur að hafa ráðist á Sanitu Brauna og ráðið henni bana í september og meðal annars veitt henni höfuðhögg með slökkvitæki sætir nú geðrannsókn til að skera megi úr um sakhæfi hans. Vísir.is greinir frá þessu í morgun.
Grímur Grímsson, yfirmaður miðlægrar rannsóknardeildar hjá lögreglunni á höfuðborgarsvæðinu segir í samtali við Vísi að ákæruvaldið geri mjög gjarnan kröfu um geðrannsókn í málum sem þessum.
„Í svona málum eru alltaf rannsakaðir allir þættir sem mögulega geta skýrt málið, tæma talið má segja,“ segir Grímur í samtali við Vísi
Maðurinn var úrskurðaður í vikulangt gæsluvarðhald 22. september á grundvelli rannsóknarhagsmuna og síðan hinn 29. september í fjögurra vikna langt gæsluvarðhald á grundvelli almannahagsmuna.