Færsla Erlings Sigvaldasonar á Twitter hefur vakið mikla athygli en Erlingur rakst á auglýsingamiða frá Orkunni okkar á göngu sinni um Fossvogskirkjugarð.
Aðspurður hvort að um sé grín að ræða segist Erlingur vona að svo sé en að aðkoman hafi verið eins og má sjá á myndunum hér að neðan.
Birgir Örn Steingrímsson, einn talsmanna Orkunnar okkar, segir í samtali við Vísi í dag að þetta sé ekki gert á vegum samtakanna. Vigdís Hauksdóttir, annar talsmanna samtakanna, vildi ekki tjá sig um málið sen segir ljóst að þetta sé ekki á þeirra vegum.
Er þetta ekki full langt gengið Orkan okkar? pic.twitter.com/oEtHHSd856
— Erlingur Sigvaldason (@ellivithit) August 22, 2019