Lögreglumaðurinn Grímur Grímsson, sem stýrir rannsókninni andláti Birnu Brjánsdóttur, sofnaði í sminkherberginu á RÚV þegar rannsókn málsins stóð sem hæst í janúar.
Grímur gaf Kastljósi góðfúslegt leyfi til að birta mynd sem náðist af honum sofandi í sófa Rögnu Fossberg förðunarmeistara. „Á fyrstu viku rannsóknarinnar gafst lítill tími til hvíldar enda rannsóknin umfangsmikil og fjölmennt lið lögreglu, björgunarsveitarfólks auk annarra við störf allan sólarhringinn,“ segir í færslu Kastljóss.
Að kvöldi fimmtudags í þeirri viku var Grímur gestur Kastljóssins og eftir að hafa fengið smink náði hann að vinna lítillega upp tapaðan svefn og blundaði í fáeinar mínútur í sófa Rögnu Fossberg förðunarmeistara í sminkherberginu.