Eigendur fasteigna á horni Tryggvagötu og Naustsins ræða um að láta skemmtistaði sem þar eru til húsa víkja fyrir reksti tengdum ferðaþjónustu. Um er að ræða svæði með skemmtistöðunum Húrra, Gamla Gauknum, Palóma, Dubliners og Glaumbar. Þetta kemur fram á Stundinni.
Fréttin hefur vakið mikla athygli og fólk hefur látið í sér heyra á samfélagsmiðlum. Nútíminn tók saman umræðu um málið á Twitter en þar eru skiptar skoðanir um hugmyndirnar.
Eignarhaldsfélagið Fjélagið, sem er í eigu Steindórs Sigurgeirssonar og Jason Wittle, á nær allan reitinn. Steindór segir í frétt Stundarinanr að ekki standi til að rífa húsin en áform séu uppi um að gera endurbætur á þeim á næstunni.
Það verður blönduð starfsemi í húsunum en það eru engar áætlanir klárar í því. Við stefnum á breytingar og umbætur á þessum húsum. Þetta er frekar sjoppulegur reitur eins og er. Við viljum sjá meira af verslunum og túristastarfsemi í okkar húsum, frekar en bari.
Félagið sækja um breytingar á deiliskipulagi fyrir reitinn á næstunni.
Hugmyndirnar fara ekki vel í alla
Heimsins versta hugmynd er fundin dömur mínar og herrar: pic.twitter.com/3bKF63JN0F
— Sunna Ben (@SunnaBen) July 6, 2015
LANGVERSTA HUGMYND SEM ÉG HEF HEYRT UM LENGI.
Sorrý en það þarf caps lock á svona rugl. http://t.co/uxvyjk0LSh
— Ólöf Hugrún (@olofhugrun) July 6, 2015
Aðrir velta þessu fyrir sér
Ég hef séð svona 2 lunda á tæpum 24 árum. Myndi kaupa mávabrúðu. Lundinn of útópískur. Mávurinn merki um hrískaldan íslenskan raunveruleika.
— Pétur M. Urbancic (@PeturMarteinn) July 6, 2015
Persónulega held ég að okkur muni öllum líða betur daginn eftir að við kaupum sjöunda lundabangsann heldur en daginn eftir sjöunda bjórinn.
— Heiður Anna (@heiduranna) July 6, 2015
Bar eða skemmtistaður sem lokar er með of lítinn eða of lélegan kúnnahóp sem kaupir ekki drykki, það er ekki flóknara en það
— Þossi (@thossmeister) July 6, 2015
Getur ekki verið langt þangað til maður heyrir ferðamenn kvarta yfir öllum ferðamönnunum í Reykjavík
— Þórarinn Hjálmarsson (@thorarinnh) July 6, 2015
En aðrir slá þessu upp í grín
Er að búa til "lunda-eyrnapinna og eyrnasköfur", finn bara engar búðir til að selja þetta stöff í.. #fleirilundabúðir
— Ólafur Jóelsson (@OliJoels) July 6, 2015
Hundar > lundar
— arnar (@arnarfreir) July 6, 2015