Bet 365, eitt stærsta veðmálafyrirtæki heims ákvað að skjóta aðeins á framherjann Aron Jóhannsson sem leikur með Bandaríska landsliðinu í fótbolta eftir að liðinu mistókst að tryggja sér sæti á Heimsmeistaramótinu í Rússlandi.
Aron sem er með tvöfalt ríkisfang ákvað árið 2013 að spila fyrir Bandaríkin frekar en Ísland. Aðal ástæðan var sú að hann vildi eiga meiri möguleika á því að spila á stórmóti í fótbolta, sem hann svo síðar gerði.
Það verður að teljast líklegt að þegar Aron tók þessa ákvörðun árið 2013 bjóst hann ekki við því að Ísland myndi spila á heimsmeistaramótinu 2018 en ekki Bandaríkin.
Aron Jóhannsson in 2013: "My chances of qualifying for the World Cup are now much higher."
— bet365 (@bet365) October 11, 2017