Hráefni:
- 170 gr rjómaostur
- 24 döðlur
- 12 sneiðar beikon, skornar í tvennt
- 1/2 dl fljótandi hunang
- 1 msk saxað ferskt rósmarín
- 1/2 tsk cayenne pipar
- sjávarsalt og svartur pipar
Aðferð:
1. Hitið ofninn í 200 gráður og leggið bökunarpappír á ofnplötu.
2. Skerið vasa í döðlurnar, langsum, passið að skera ekki alveg í gegn. Takið steininn úr og fyllið vasann af rjómaosti. Kreistið döðluna örlítið svo vasinn lokist sem mest og vefjið næst beikonsneið utan um hana. Gott er að stinga tannstöngli í gegn. Raðið þeim á ofnplötuna.
3. Takið litla skál og hrærið saman hunangi, rósmarín, cayenne, salt og pipar. Penslið næst blöndunni létt yfir döðlurnar. Bakið þetta í 20-25 mín eða þar til beikonið er orðið vel stökkt. Berið fram strax.