Um hvað snýst málið?
Hæstiréttur hefur sýknað þá Sævar Marinó Cieselski, Tryggva Rúnar Leifsson, Kristján Viðar Júlíusson, Guðjón Skarphéðinsson og Albert Klahn Skaftason af ákærum um að hafa orðið Guðmundi Einarssyni og Geirfinni Einarssyni að bana árið 1974.
Hvað er búið að gerast?
Guðmundar- og Geirfinnsmálið er viðamikið sakamál, kennt við Geirfinn Einarsson og Guðmund Einarsson. Þeir tengjast ekki þrátt fyrir að bera sama föðurnafn. Það eina sem tengir þá saman eru sakborningar málsins.
Árið 1980 voru sex ungmenni dæmd til fangelsisvistar fyrir að hafa orðið tveimur mönnum að bana.
Lík mannanna hafa aldrei fundist og byggðist dómurinn því á öðrum sönnunargögnum, meðal annars játningum sem síðar voru dregnar til baka. Talið er að játningarnar hafi verið fengnar fram með pyntingum. Þá hafa rannsóknaraðferðir lögreglunnar verið gagnrýndar.
Sævar Ciesielski var dæmdur í sautján ára fangelsi og Kristján Viðar Viðarsson í sextán ára, Tryggvi Rúnar Leifsson var dæmdur í þrettán ára fangelsi og Guðjón Skarphéðinsson í tíu ára fangelsi. Erla Bolladóttir var dæmd í þriggja ára fangelsi og Albert Klahn Skaftason í árs fangelsi.
Endurupptökunefnd féllst í febrúar á síðasta ári að dómur Hæstaréttar frá árinu 1980 skyldi tekin upp er varðaði fimm sakborninga af sex. Endurupptökubeiðni Erlu Bolladóttur var hafnað.
Hvað gerist næst?
Erla hefur kært niðurstöðu endurupptökunefndar. Hún var ekki sakfelld fyrir hvarf og morð á Guðmundi og Geirfinni heldur fyrir meinsæri.
Örskýringar eru 200 orða fréttaskýringar Nútímans um mál sem mikið er fjallað um. Sendu okkur póst ef þú ert með hugmynd að örskýringu.