Ráðherrar funduðu í morgun og ræddi Svandís Svavarsdóttur, heilbrigðisráðherra, við fréttamenn fyrir utan Ráðherrabústaðinn í Tjarnargötu eftir fundinn.
Þar sagði hún að meðal annars að starfsemi hárgreiðslustofa og íþróttastarf barna verði heimilað á ný frá 18. nóvember. Hins vegar verður áfram tíu manna samkomubann og tveggja metra reglan verður áfram í gildi.
„Það voru þrjár meginbreytingar. Í fyrsta lagi erum við að heimila það sem er kallað einyrkjastarfsemi, starfsemi rakara, hárgreiðslustofa, nuddara og svo framvegis, með grímum auðvitað og hámark 10 manns í rýminu. Í öðru lagi verða íþróttir barna og ungmenna, með eða án snertingar heimilaðar. Í þriðja lagi verður 25 manna hámark í hverju rými í framhaldsskólum, það var áður bara á fyrsta ári,“ segir Svandís.
Varðandi tillögu Þórólfs Guðnasonar sóttvarnalæknis um tvöfalda skimun á landamærum sagði Svandís að sú umræða hefði ekki verið kláruð á fundi dagsins. Tekin verður ákvörðun um það mál á næstu dögum, að sögn Svandísar.