Í dag hlutu níu veitingastaðir viðurkenninguna Icelandic Lamb Award of Excellence, frá markaðsstofunni Icelandic Lamb.
Ár hvert hljóta þeir veitingastaðir sem þykja hafa skarað fram úr í framreiðslu á íslensku lambakjöti verðlaunin. Þetta var í fjórða sinn sem viðurkenningarnar eru veittar. Í ár var hins vegar í fyrsta skipti sem veitingastöðunum var skipt í þrjá flokka; sælkeraveitingastaðir (fine dining), bistro og götumatur – og fimm veitingastaðir tilnefndir í hverjum flokki.
Forsetafrúin, Eliza Reid, veitti viðurkenningarnar og ávarpaði samkomuna sem fór fram í dag við hátíðlega athöfn í Vinnustofu Kjarvals í Austurstræti Reykjavíkur.
Eftirtaldir staðir hlutu að þessu sinni viðurkenningar:
Sælkeraveitingastaðir
- Geysir Hótel Restaurant
- Hver Restaurant
- Silfra Restaurant
Einnig voru tilnefnd: Geiri Smart og Fiskfélagið.
Bistro
- Heydalur
- KK Restaurant
- Mímir
Einnig voru tilnefnd: Lamb Inn og Forréttabarinn.
Götumatur
- Fjárhúsið
- Lamb Street Food
- Le Kock
Einnig voru tilnefnd: Shake & Pizza og Icelandic Street Food.
Í ávarpi sínu fagnaði Eliza Reed þeim árangri sem náðst hefur í markaðssetningu á Íslensku lambakjöti til ferðamanna með átaksverkefninu. Sæmundur Kristjánsson, Guðbjörg Gissurardóttir og Pétur Snæbjörnsson sátu í dómnefndinni, en hún lagði mat á markaðs- og kynningarefni staðanna, auk faglegrar þátttöku þeirra í samstarfsverkefninu.
Þetta kemur fram á vef Bændablaðsins