Sextán þingmenn úr Sjálfstæðisflokknum, Framsóknarflokknum, Bjartri framtíð og Pírötum eru flutningsmenn frumvarps um að sala áfengis verði gefin frjáls sem hefur verið lagt fram á ný.
Vilhjálmur Árnason, þingmaður Sjálfstæðisflokksins, er fyrsti flutningsmaður en hann flutti sama frumvarp á síðasta þingi. Ef frumvarpið nær í gegn verður þó ýmislegt enn þá bannað. Nútíminn tók það saman.
1. Það verður bannað að selja áfengi eftir klukkan 20
Samkvæmt frumvarpinu skal afgreiðslutími ekki vera lengri en frá klukkan 9 að morgni til kl. 2o að kvöldi.
2. Það verður bannað að framleiða áfengi til einkaneyslu
Það varðar mann sektum eða fangelsi allt að sex árum ef hann framleiðir áfengi til einkaneyslu og sölu þótt ekki sé í atvinnuskyni,
3. Það verður bannað að selja áfengi í pylsuvögnum
Í frumvarpinu kemur fram að sveitarstjórn sé óheimilt að veita smásöluleyfi til ísbíla, pylsuvagna og annarra færanlegra veitingavagna og markaðsbása, myndbanda- og mynddiskaleigna og smásölu matvæla í sjálfsölum.
4. Það verður bannað að auglýsa áfengi
Það varðar mann sektum eða fangelsi allt að sex árum ef hann auglýsir áfengi eða áfengistegund — þrátt fyrir að þetta er erlendum fjölmiðlum og internetinu heimilt að auglýsa áfengi á Íslandi.
Sjá einnig: Níu hlutir sem breytast ef áfengi fer í matvöruverslanir