Fyrirsætan Chrissy Teigan aðstoðaði Ellen við að afhenda gjafir í sérstökum jólaþætti, Ellen’s Greatest Night of Giveaways, en þátturinn var sýndur á besta tíma á bandarísku sjónvarpsstöðinni NBC í gærkvöldi.
Jólaþættirnir, Ellen’s Greatest Night of Giveaways, eru þrír talsins og er talið að um 10 milljónir manna horfi á hvern þátt.
Í þættinum í gær fengu 150 áhorfendur meðal annars flugmiða með Icelandair til Íslands fyrir tvo, gistingu í fimm daga á Icelandair hótelum og ferð í Bláa Lónið. En í tilkynningu frá Icelandair segir að undirbúningurinn fyrir þetta innlegg í þáttinn hafi verið unnið með Íslandsstofu.