Gripinn glóðvolgur í Leifstöð á leið úr landi

Auglýsing

Lögreglan á höfuðborgarsvæðinu var kölluð að heimili í austurborginni í vikunni, en þar hafði verið brotist inn og stolið munum af húsráðendum – tölvum, tækjum og öðru fémætu. Á staðnum bjuggu erlendir verkamenn sem hafa oft skamma veru á Íslandi og tjónið því tilfinnanlegt fyrir fólkið, eins og iðulega er með innbrot og þjófnaði.

Eftir stutta rannsókn komst rannsóknarlögreglumaður að því að samstarfsmaður íbúa hafði verið rekinn úr starfi fyrr um daginn og hefði líklega bókað flug úr landi að kvöldi sama dags. Voru því góð ráð dýr og því haft var samband við embætti lögreglustjórans á Suðurnesjum og óskað eftir því að viðkomandi aðili yrði stoppaður á leið úr landi og kannað með skóbúnað hans, upp á samanburð við skóför sem fundust á vettvangi.

Reyndist hugboð rannsóknarlögreglumannsins rétt og lögreglan á Suðurnesjum greip manninn glóðvolgan í Leifsstöð þar sem hann var leið úr landi. Við frekari athugun á manninum reyndust skór hans passa við fótsporið sem fannst á vettvangi. Eftirleikurinn var auðveldur, maðurinn var handtekinn og allt þýfið úr innbrotinu fannst í farangri hans. Málið er á lokastigum rannsóknar.

Auglýsing

læk

Ummmmm...

Instagram