,,Vinir! Við verðum með live þátt á Röntgen í Reykjavík miðvikudagskvöldið 15. júlí. Fjallað verður um myndina Stellu í framboði sem var sýnd á RÚV kosningakvöldið. Vonumst til að sjá ykkur sem flest!,” segir á Facebook síðu viðburðarins.
En það eru þau Andrea Björk Andrésdóttir, hönnuður og grínari, og Steindór Grétar Jónsson, blaðamaður og grínari, sem halda úti hlaðvarpinu Bíó Tvíó. Þau mæta í kvöld, alla leið frá Berlín þar sem þau eru búsett, á veitingastaðinn Röntgen, Hverfisgötu 12. Þar ætla þau að ræða kvikmyndina Stella í framboði sem er sjálfstætt framhald af kvikmyndinni Stella í orlofi, sem allir ættu nú að þekkja.
Gleðin hefst stundvíslega klukkan 20:00!