Á annað hundrað manns sóttu um starf umsjónarmanns á Bessastöðum en umsóknarfrestur rann út 10. september síðastliðinn. Embætti forseta Íslands auglýsti starfið í lok ágúst og athygli vakti að ætlast er til þess að umsjónarmaðurinn búi á Bessastöðum.
Samkvæmt upplýsingum frá Árna Sigurjónssyni, skrifstofustjóra hjá skrifstofu forseta Íslands, liggur nákvæmur fjöldi umsækjenda ekki fyrir þar sem stutt er síðan fresturinn rann út en einhverjar umsóknir geta enn verið í pósti. Mun fleiri karlar en konur hafa sótt um starfið samkvæmt Árna.
Topp 10: Fólk sem ætti að búa með forsetanum
Í auglýsingunni fyrir starfið kom fram að fjölbreytt reynsla komi til með að nýtast nýja umsónarmanninum í starfi. „Má í því sambandi nefna löggæslu, húsvörslu, öryggisvörslu og akstur í atvinnuskyni,“ sagði í auglýsingunni.