Starfsmanni Ikea þykir Norðmaðurinn vera með heldur rýr eistu

Auglýsing

Stjórnendur Ikea hér á landi hafa ekki orðið varir við að stólnum Mariusi hafi verið skilað í meira magni en venjulega síðustu daga. Nútíminn sagði frá því fyrir helgi að norskur karlmaður hefði fest annað eistað í einu af götunum sem eru í kollinum og ekki losnað fyrr en kalda vatnið fór að streyma úr sturtuhausnum.

Sjá einnig: Norðmaður festi annað eistað í kolli frá Ikea, fékk fastur og dinglaði þegar hann stóð upp

Þórarinn Ævarsson, framkvæmdastjóri Ikea á Íslandi, segir að fréttin af Norðmanninum hafi vakið mikla lukku meðal starfsmanna. Einn þeirra, eldri kona, hafði á orði að henni þætti eistun á manninum heldur rýr þar sem honum tókst að koma þeim ofan í eitt af götunum á kollinum.

Þórarinn segist ekki eiga von á því að Ikea vari karlkyns viðskiptavini við því að nota kollinn Marius í sturtu og bætir við að menn þurfi að hafa vit fyrir sjálfum sér. Þá segir hann einnig að mest fari af hvítum Mariusum en minna af rauðum, líkt og Norðmaðurinn lenti í vandræðum með.

Auglýsing

Norðmaðurinn ClausJørstad var meiddur á hné og ákvað að fjárfesta í kollinum til að geta setið í sturtuklefanum á meðan hann væri í sturtu. Hann skildi eftir færslu á Facebook-síðu Ikea í Noregi þar sem hann greindi frá óförum sínum. Hann vildi greinilega fara varlega að Svíunum og bregður því fyrir sig myndlíkingum þegar hann talar um kynfærin. „En þið eruð sænsk. Ég veit að þið eruð ekki fyrir beinar lýsingar á æxlunarfærum líkamans, svo ég kalla þau skipstjóra og áhöfnina,“ sagði hann.

Auglýsing

læk

Ummmmm...

Kjúklingur í karrý

Sænsk möndlukaka

Sænsk möndlukaka

Instagram