Byssumaður hóf skothríð á tónlistarhátíð við Mandalay Bay hótelið og spilavítið í Las Vegas nú í morgun. Útitónleikar voru í gangi við hótelið þegar árásin hófst. Fjallað er nánar um málið á vef Sky News.
Hér er það sem við vitum um málið:
- Joseph Lombardo, lögreglustjóri í Las Vegas, staðfesti á blaðamannafundi að yfir 50 manns hafi látist í árásinni og að um 200 manns séu særðir.
- Þetta er mannskæðasta skotárás í sögu Bandaríkjanna
- Hryðjuverkasamtökin ISIS hafa lýst yfir ábyrgð á árásinni
- Um 30 þúsund manns voru á svæðinu þegar árásin átti sér stað.
- Lögreglan leitar nú herbergisfélaga árásarmannsins
- Vísir.is greinir frá því að fimm Íslendingar séu læstir inni á Mandalay-hótelinu í Las Vegas, þeir allir heilir á húfi.