Justin Bieber yfirgaf landið í gær. Söngvarinn hefur verið umtalaðasti maður landsins frá því að hann lenti á mánudag en hann var ánægður með ferðina, eins og Nútíminn greindi frá í gær.
Sjá einnig: Justin Bieber kveður klakann: „Besta ferð allra tíma — Ísland, við elskum þig“
Eins og myndbandið hér fyrir neðan sýnir þarf ekki mikið til að gleðja kappann. Myndbandið er af Snapchat og í því sést þegar hann heyrir lagið sitt What Do You Mean í útvarpinu og gleðst á einlægan hátt.
Leiðrétt: Í fyrstu kom fram að hann hafi heyrt lagið í íslensku útvarpi. Það virðist hins vegar ekki vera rétt. Þetta ku vera útvarpsstöðin Z100. Okkar mistök. Sorrí.
Við sjáum ekki betur en að hann sé í hettupeysu frá 66°Norður, fyrir þau sem vilja stela stílnum af söngvaranum. Sjáðu myndbandið hér fyrir neðan.
https://www.youtube.com/watch?v=XT6VuN4YKPI