Chris Cornell, söngvari hljómsveitarinnar Soundgarden, kemur fram í Eldborgarsal Hörpu miðvikudaginn 23. mars á næsta ári. Cornell flytur tónlist af nýju plötunni sinni, Higher Truth, og helstu lög ferilsins.
Í tilkynningu frá Senu kemur fram að Cornell hefur tónleikaferðalag um Evrópu í Reykjavík, þar sem hann fylgir eftir tónleikaferðalagi sínu um Bandaríkin sem naut gríðarlegra vinsælda.
Chris Cornell er með eina þekktustu rödd rokksögunnar en hann sló í gegn með Soundgarden á tíunda áratugnum. Hann hefur einnig sungið með hljómsveitunum Audioslave og Temple of the Dog og plötur hans hafa selst í fleiri en 30 milljónum eintaka.
Miðasala á tónleikana hefst fimmtudaginn 12. nóvember klukkan 10 á Tix.is. Póstlistaforsala hefst daginn áður. Þá fá þeir sem skráðir eru á viðburðapóstlista Senu tækifæri til að tryggja sér miða heilum sólarhring áður en almenn sala hefst.
Loks verður sérstök forsala fyrir meðlimi í aðdáendaklúbbi Cornell þriðjudaginn 10. nóvember klukkan 10.