Umræðan um salernismál ferðamanna skýtur reglulega upp kollinum. Ferðamaðurinn í myndbandinu hér fyrir neðan lét sér fátt um finnast og ákvað að ganga örna sinna rétt hjá Reykjanesbrautinni á meðan flutningabílarnir brunuðu fram hjá.
Ármann Óskarsson tók upp myndbandið og segir í samtali við Nútímann að það sé mikið grínast með ferðamenn sem villast í hrauninu við Reykjanesbrautina. „Í dag tók ég þetta upp fyrir tilviljun,“ segir hann.
Og örfáum sekúndum síðar vippar þessi aðili buxunum niður um sig og gerir þarfir sínar. Svífst einskis — ekki meira en svona 10 metrum frá Reykjanesbrautinni!