Um hvað snýst málið?
Lagið Unbroken verður framlag Íslendinga í Eurovision í ár.
María Ólafsdóttir flytur lagið sem er eftir upptökustjórateymið StopWaitGo. Það samanstendur af Ásgeiri Orra og Pálma Ragnari Ásgeirssonum og Sæþóri Kristjánssyni.
Hvað er búið að gerast?
Dómnefndin í Söngvakeppninni setti Unbroken í fjórða sæti í stigagjöf sinni á úrslitakvöldinu. Friðrik Dór var efstur á lista hjá dómnefnd og í símakosningu, þegar valið stóð á milli úrslitalaganna sjö.
Piltur og stúlka í flutningi Björns og félaga varð í öðru sæti hjá dómnefnd, Dance Slow sem Elín Sif Halldórsdóttir flutti varð í því þriðja og María Ólafsdóttir varð í fjórða sæti með Unbroken.
Friðrik Dór varð einnig efstur í fyrri símakosningunni með 25,6 prósent atkvæða. María fékk 25,1 prósent atkvæða.
Dance Slow varð í þriðja sæti símakosningar en lagði Feathers í flutningi Sunday varð í fjórða sæti. Piltur og stúlka Björns og félaga varð í fimmta sæti í símakosningunni.
María Ólafsdóttir vann svo yfirburðasigur í símakosningu þegar lagið stóð á milli Unbroken og Once Again sem Friðrik Dór flutti.
Hvað gerist næst?
Eurovision fer fram í Vín í Austurríki í 23. maí. Fyrri undanriðillinn fer fram þriðjudaginn 19. maí en Ísland verður í þeim seinni fimmtudaginn 21. maí.
Örskýringar eru 200 orða fréttaskýringar Nútímans um mál sem mikið er fjallað um. Sendu okkur póst ef þú ert með hugmynd að örskýringu.