GusGus, Herra Hnetusmjör, DJ Margeir, ClubDub, Aron Can og DJ Sanhine munu haldi uppi fjörinu á dansveislunni Niceland Reykjavík, sem fram fer í Laugardalshöll fimmtudagskvöldið 9. apríl næstkomandi, skírdag.
Laugardalshöllinni verður breytt í stærsta skemmtistað á Íslandi þetta kvöld og engu verður til sparað, segir í fréttatilkynningu frá TeamWork Event, sem stendur fyrir tónleikunum. Hljómsveitin GusGus verður aðalnúmer kvöldsins og slær með því upphafstóninn fyrir 25 ára afmæli sveitarinnar, sem fagnað er í ár.
Almenn miðasala á Niceland Reykjavík hefst á miðasöluvefnum Tix.is föstudaginn 10. janúar, samkvæmt því sem fram kemur í tilkynningunni.