Hljómsveitin Toto hefur gefið út ábreiðu af laginu Hash Pipe sem Weezer gerðu frægt á sínum tíma. Með því eru þeir að bregðast við ábreiðu Weezer af laginu Africa sem er þekktasta lag Toto.
Toto tóku Hash Pipe fyrst á tónleikum í Vancouver fyrr í mánuðinum en nú er komin útgáfa af laginu á Spotify. Í maí á þessu ári gerðu Weezer sína eigin útgáfu af laginu Africa eftir áskorun frá aðdáendum á Twitter.
Looks like @Weezer finally blessed the rains…#WeezerCoverAfrica pic.twitter.com/r1xT30iVoz
— weezer cover africa by toto (@weezerafrica) May 29, 2018
Steve Porcaro, hljómborðsleikari Toto segir að þeir hafi upprunalega ætlað að gera útgáfu af Weezer laginu Beverly Hills en hafi að lokum ákveðið að taka Hash Pipe.
„Mér fannst melódían í Hash Pipe betri. Ég elska líka skilaboðin í þessu lagi og við vildum gera þetta vel. Við vildum setja okkar stimpil á lagið en samt sýna því virðingu. Við bættum svolítið af skemmtilegum hlutum við sem ég vona að þeir hlæji að, ég vildi að ég gæti verið í herberginu þegar þeir hlusta á þetta,” sagði hann.