Beikonvafðar spicy kjúklingalundir

Auglýsing

Vel kryddaðar spicy kjúklingarlundir í stökku beikoni! Þarf að segja eitthvað meira?

Hráefni:

  • 10 kjúklingalundir
  • 10 beikonstimlar skornir í tvennt langsum svo úr verði 2o strimlar
  • ½ -1 tsk salt
  • 1 tsk paprika
  • ½ tsk svartur pipar
  • 1 tsk laukduft
  • ½ tsk ítalskt krydd
  • 1 tsk hvítlauksduft
  • 1 dl púðursykur
  • 1-2 msk chilliduft

Aðferð:

1. Hitið ofninn í 180 gráður.

Auglýsing

2. Blandið saman salti, papriku, pipar, laukdufti, ítölsku kryddi og hvítlauksdufti. Kryddið síðan lundirnar, vel á öllum hliðum, með kryddblöndunni.

3. Vefjið 2 beikonstrimlum um hverja lund, pakkið þeim vel inn og stingið lausum endum inn í vafninginn. Blandið síðan saman púðursykri og chillidufti og dreifið því vel yfir kjúklinginn allann hringinn. Þrýstið blöndunni vel ofan í beikonið.

4. Setjið því næst kjúklinga/beikon bögglanna á ofngrind inn í ofninn og hafið ofnplötu undir svo fitan leki ekki í botninn á ofninum. Með þessari aðferð verður kjúklingurinn mun stökkari og betri. Bakið þetta í um 25-30 mín eða þar til kjúklingurinn er eldaður í gegn og beikonið orðið vel stökkt og gyllt. Það má setja grillið á síðustu mínúturnar fyrir extra stökkt beikon.

Berið fram heitt með meðlæti að eigin vali, t.d. gráðaostasósu og salati. Njótið vel!

Auglýsing

læk

Nýjast á Matur

Keto brauðstangir

Ketóvænar brauðstangir

Nautabuff í rjómasósu

Nautabuff í rjómasósu

Instagram