today-is-a-good-day

Steiktur lax í dásamlegri sósu með hvítlauk og spínati

Hráefni:

  • 4 laxafilet
  • sjávarsalt og svartur pipar
  • 2 msk extra virgin ólívuolía
  • 2 msk smjör
  • 1 skallottlaukur, skorinn í þunnar sneiðar
  • 3 hvítlauksgeirar, rifnir niður
  • 1/2 tsk chilliflögur
  • 2 1/2 dl kókosmjólk
  • 60 gr rjómaostur
  • 1 dl rifinn parmesan
  • 5 dl ferskt spínat
  • safinn úr 1 sítrónu
  • 2 msk söxuð ferskt steinselja
  • 1 msk saxaður graslaukur

Aðferð:

1. Kryddið laxinn með salti og pipar.

2. Hitið olíu á pönnu og steikið laxinn í 2-3 mín á hvorri hlið. Takið hann þá af pönnunni og leggið til hliðar á disk eða fat.

3. Hitið smjör á pönnunni og steikið skallottlauk og hvítlauk í c.a. 2 mín. Bætið þá chilliflögum, kókosmjólk og rjómaosti á pönnuna. Kryddið sósuna til með salti og pipar. Náið upp suðu og leyfið þessu að malla í stutta stund. Bætið þá spínati og parmesan saman við og látið þetta malla áfram í 3-5 mín. Hrærið næst sítrónusafa, steinselju og graslauk saman við sósuna og hrærið öllu vel saman.

4. Raðið næst laxabitunum á pönnuna og látið þá hitna stutta stund í sósunni áður en þetta er borið fram.

Auglýsing

læk

Instagram