Íslenska þjóðin elskar pizzur, vinsælasta skyndibita landsins, og nú getur fólk á ketó mataræði loksins fengið sér uppáhalds pizzuna sína með kolvetnasnauðu samviskubiti því ketópizzubotninn er mættur á matseðilinn á Blackbox Borgartúni.
Það eru 9,2 grömm af kolvetnum í 180 gramma ketó botninum sem er 10 tommur – hollasti pizzubotn landsins! Blackbox vildi svara gríðarlegum vinsældum ketó mataræðis og bjóða upp á þennan frábæra valkost sem passar inní þennan ramma sem fólk hefur til þess að halda sér í ketónísku ástandi, þ.e. að halda sér undir 20 grömmum af kolvetnum á dag. Það er búið að eyða rúmum þremur mánuðum í að smakka til uppskriftina því við vildum hafa áferðina eins og á pizzabotni og tilfinninguna þannig að það sé verið að borða pizzu. Nú getur öll fjölskyldan sameinast á Blackbox því almenni pizza botninn er súrdeigs, einnig fáanlegur glútenlaus botn og nú loksins ketó botn.
Um miðjan apríl opnar Blackbox Pizzeria sinn annan stað og í þetta skiptið í hjarta Mosfellsbæjar, Háholti 13-15.
Blackbox afgreiðir eldsnöggar, eldbakaðar, súrdeigsbotns pizzur með hágæða hráefnum, byltingarkenndur snúningsofninn nær gífurlegum hita og eldbakar pizzuna á aðeins tveimur mínútum.
Eigendur Blackbox eru stofnendur staðarins, Karl Viggó Vigfússon og Jón Gunnar Geirdal, ásamt Jóhannesi Stefánssyni og fjölskyldu í Múlakaffi og Jóhannesi Ásbjörnssyni.