Hráefni:
700 gr nautahakk
1 laukur skorinn í sneiðar
200 gr sveppir skornir í sneiðar
3 dl rjómi
1 teningur nauta eða grænmetiskraftur
1 tsk rósmarín þurrkað eða ferskt
smjör til steikingar
salt og pipar
Aðferð:
1. Kryddið hakkið með salti og pipar. Mótið buff úr hakkinu með höndunum. Steikið buffin upp úr smjöri á góðri pönnu. Buffin eiga rétt að brúnast en ekki eldast alveg í gegn. Takið þau svo af pönnunni og leggið til hliðar.
2. Bætið smjöri á pönnuna og steikið laukinn í c.a. 2 mín. Bætið síðan sveppunum saman við og steikið áfram. Bætið rjómanum saman við ásamt rósmarín og krafti. Látið malla örlitla stund og smakkið til með salti.
3. Færið síðan buffin aftur á pönnuna og látið malla í rjómasósunni þar til þau eru elduð í gegn.
Gott er að bera þetta fram með kartöflustöppu og rauðkáli eða súrum gúrkum.