Hressasti Retro Stefson-aðdáandi heims slær í gegn með seiðandi dansi, sjáðu myndbandið

Auglýsing

Paul Gerace, bandarískur aðdáandi Retro Stefson, hefur slegið í gegn á Facebook-síðu hljómsveitarinnar sálugu. Hann birtir myndband af sjálfum sér dansa á meðan smellurinn Glow ómar undir en áhorfin á myndbandið eru að skríða í 18 þúsund og fjölmargir hafa deilt myndbandinu og tjáð sig um það. Horfðu á myndbandið hér fyrir neðan.

„Afsakið hversu langan tíma það tók mig að uppgötva tónlistina ykkar,“ segir Paul í færslunni. Hann segist hafa snúið heim frá Íslandi í síðasta mánuði og segir landið stórkostlegt.

Ég er upprunalega frá New York en í dag kalla ég Kosta Ríka heimili mitt. Ég elska tónlistina ykkar og vil senda Loga Pedro sérstaka kveðju. Leiðinlegt að þið séuð hætt. Svo fönkí taktar!

Aðdáendur Retro Stefson eru ánægðir með okkar mann og segir einn í kommentakerfinu við myndina að myndbandið hafi bjargað fyrir honum deginum.

Horfðu á myndbandið hér fyrir neðan

Auglýsing

læk

Instagram