Hráefni:
- 1 kubbur af fetaosti (fæst í öllum helstu matvöruverslunum)
- 1 dl góð ólívuolía
- safinn af 1/2 sítrónu
- 2 dl ólívur
- 3 msk ferskt rósmarín
- 1/2 tsk chilli flögur
- svartur pipar
Aðferð:
1. Hitið ofninn í 180 gráður. Setjið ostinn í lítið eldfast mót. Hellið ólívuolíu í mótið ásamt sítrónusafa.
2. Dreifið ólívunum í kringum ostinn ásamt rósmarín. Skerið sítrónuna (sem búið er að kreista safann úr) í sneiðar og dreifið einnig í kringum ostinn. Kryddið allt saman til með chilli og svörtum pipar.
3. Bakið í um 20 mín. Ef þú vilt fá fallega brúnaða áferð á ostinn má stilla ofninn á grill, rétt í lokin. Berið fram með ristuðu brauði eða góðu kexi.